Мэдээ, мэдээлэл

Монгол Улсаас Япон Улсад суух Онц бөгөөд Бүрэн эрхт Элчин сайд Б.Баярсайхан 2023 оны 11-р сарын 26 болон 27-ны өдрүүдэд Кюүшү аралын Фүкүокад мужид айлчиллаа. Айчлалын үеэр Фүкүока мужийн орлогч захирагч Омагари Акиетэй уулзаж ярилцлаа.

Ирэх жил Хубилай хааны довтолгооны дараахь 750 жил тохионо. Хубилай хааны довтолгоонд анхлан өртсөн арал болох Цушимагын Комодахама сүмд (Ахлах тахилч: Масажи Шарикура) 2023 оны 11-р сарын 12-нд амь үрэгдсэн цэрэг эрсийн сүнс амирлуулах ёслол болж өргөмжит консул Ш. Алтан-Эрдэнэ уригдан оролцлоо. Нутгийн иргэд тус үйлийг жил болгон хийж ирсэн ба коронагын улмаас 4 жил завсарлаад энэ жилээс дахин хийж эхэлж байгаа юм.

2023 оны 10-р сарын 22-нд Фүкүока хотын Гококү сүмд чөлөөлөх дайны үер олзлогдсон цэргүүдэд хүндэтгэл үзүүлж Монгол болон Сибирд олзонд байсан гурван эрхэмийн олзонд өнгөрүүлсэн амьдралын тухай яриаг нь сонслоо.

AEON Кюүшү-гийн борлуулалт хариуцсан Ерөнхий захирал Кавамура Тайхей, захирлын албаны газрын харилцаа хариуцсан хэлтсийн дарга Куратоми Наоя нартай уулзаж монголын дэлгүүр супермаркет эрхлэгчид болон ажилчдад AEON-ны үйл ажиллагаатай танилцуулах аялал сургалт зохион байгуулах талаар хэлцэлд хүрлээ. Энэ аялалыг монгол талаас “Japan Guide Service” компанитай хамтран хийх боллоо.

Panasonic System Design компаны ерөнхий захирал Ивасаки Сатоши болон хүний нөөцийн албаны захирал Озаки Такуми нар Юань гүрний 1274 оны дайралтын дараа баригдсан цайзны Имазу дахь хэсэгтэй танилцаж Итошима арлын Монгол ууланд гарлаа. Panasonic System Design компани Фүкүока дахь Монгол Улсын Өргөмжит консулын үйл ажиллагааг байнга дэмжиж тусалж ирсэнд гүнээ талархаж байна

2023 оны 3-р сарын 2-д монголын 12 явган алхагч Фүкүока хотын Нишиурад байрлах Монгол уулын оройд сэргээн засварлан босгосон хөшөө хүртэл алхалт хийнгээ 1276 онд Камакурагийн тушаалаар барьсан ханын үлдэгдэлийг харж сонирхолоо.

Эдийн засагч, нийтлэлч Д.Жаргалсайхан Монголоос ирж Мацуура хотын Өв соёлын төв дэхь Хубилай хааны цэргийн хэрэгсэл болон усан онгоцны олдбортой танилцаж Ниши дүүргийн баруун үзүүрт сүндэрлэх Монгол уулын орой дээрхи монголчуудын довтлогооны үед амь үрэгдсэн монгол, хятад, солонгос, зурчид болон япон цэргүүдийн сүнсийг даатгах, амирлуулах үүднээс нутгийн цулуучид болон ард түмэн 1895 онд барьсан чулуун хөшөөг 2005 оны газар хөдлөлтийн улмаас унасан байсныг сэргээсэнтэй танилцаж хүндэтгэл үзүүллээ.

Монгол улс Япон улсын хооронд дипломат харилцаа үүсэн тогтосон 50 жилийн ойн арга хэмжээнд хэрэгжүүлсэн Монгол уулан дээрхи хөшөөг сэргээн засах ажил 2022 оны 11-р сарын 29-д олон хүний тусламж дэмжлэг хандивын тусламжтайгаар амжилттай өндөрлөлөө. Төгсөлийн үйл ажиллагаанд 100 гаруй оролцлоо. Хүрэлцэн ирсэн хүмүүст талархалаа илэрхийлье.

Фукуока мужийн Фукуока хотын Ниши дүүргийн баруун үзүүрт сүндэрлэх Монгол уулын орой дээрхи хөшөөг сэргээн засварлах ажил өрнөсөөр байна. Хоёр улсын өвөг дээдсийн сургамжийг санан дурсаж Монгол уулан дахь унасан хөшөөг сэргээн босгосноор хүн төрөлхтөн, цаашлаад улс үндэстэн хоорондын харилцан ойлголцол бэхжиж дэлхийн улс орнууд энх тайванчаар оршин тогнохыг хүсч байгаагийн илэрхийллийн газар болно гэсэн зорилготойгоор сэргээн засах ажил хандивлагчдын тусламж дэмжлэгээр төлөвлөгөөний дагуу урагшлаж байгааг дуулгахад таатай байна.

Фукуока мужийн Фукуока хотын Ниши дүүргийн баруун үзүүрт сүндэрлэх Монгол уулын (Мукури гэж бас нэрлэдэг) орой дээр монголын довтлогчдод зориулан барьсан хөшөө 2005 оны Фукуока мужийн баруун эрэгт болсон хүчтэй газар хөдлөлтийн улмаас унасан байсныг нь Фукуока дахь Монгол улсын өргөмжит консулын газар, Кюүшү Окинава Монголын Найрамдалын Холбоо, Охама групп, түүний түнш компаниуд болон орон нутгийн иргэдийн хамтын хүчээр "Түүхээ сурч ирээдүйн талаар бодох газар болгоё" хэмээх уриан доор сэргээн босгох ажлыг эхлүүлээд байна.