Мэдээ, мэдээлэл
МОНГОЛ УЛСААС ЯПОН УЛСАД СУУХ ОНЦ БӨГӨӨД БҮРЭН ЭРХТ ЭЛЧИН САЙД Б.БАЯРСАЙХАН КЮҮШҮ АРЛЫН ФҮКҮОКА МУЖИД АЙЛЧИЛЛАА
Монгол Улсаас Япон Улсад суух Онц бөгөөд Бүрэн эрхт Элчин сайд Б.Баярсайхан 2023 оны 11-р сарын 26 болон 27-ны өдрүүдэд Кюүшү аралын Фүкүокад мужид айлчиллаа.
Айчлалын үеэр Фүкүока мужийн орлогч захирагч Омагари Акиетэй уулзаж ярилцлаа. Баярсайхан сайд 2024 онд Хубилай хааны усан флотын довтолгоон болсноос хойшхи 750 жил, Япон улс Монгол улсын хооронд соёлын хэлэлцээр байгуулсаны 50 жилийн болно.
ХУБИЛАЙ ХАНЫ ДОВТОЛГООНЫ ҮЕЭР НАС БАРАГСДАД ХҮНДЭТГЭЛ ҮЗҮҮЛЭХ ЁСЛОЛ
Ирэх жил Хубилай хааны довтолгооны дараахь 750 жил тохионо. Хубилай хааны довтолгоонд анхлан өртсөн арал болох Цушимагын Комодахама сүмд 2023 оны 11-р сарын 12-нд амь үрэгдсэн цэрэг эрсийн сүнс амирлуулах ёслол болж өргөмжит консул Ш. Алтан-Эрдэнэ уригдан оролцлоо. Нутгийн иргэд тус үйлийг жил болгон хийж ирсэн ба коронагын улмаас 4 жил завсарлаад энэ жилээс дахин хийж эхэлж байгаа юм.
Өргөмжит консул Ш.Алтан-Эрдэнэ ёслолын үеэр хэлсэн үгэндээ “Нутгийн ард иргэд нэгдэж, энэ наадмыг олон жилийн турш үргэлжлүүлж, нандигнаж байгаа нь миний сэтгэлийг хөдөлгөлөө. Дайн тулаанд орох тушаал авч амиа алдсан цэргүүдийн гэгээн дурсгалыг хүндэтгэх нь дэлхийн даянд энх тайвныг тогтооход маш том утга учиртай. Цаашид улам өргөжин гэдэгт итгэлтэй байна” гэлээ.
Кюшү Окинава мужид сурч амьдарч буй монгол иргэдийн бүртгэл
Япон Улсын Кюшү Окинава мужид амьдарч буй Монгол иргэдийн анхны бүртгэл 2019 оны 4-р сарын 3-с мөн оны 5-р сарын 31 хүртэл явагдлаа. Нийт 166 иргэн бүртгэлд хамрагдсанаас 85 нь эмэгтэй, 81 нь эрэгтэй байлаа. Бүртгэлийн нэгтгэсэн үр дүнг эндээс харна уу.
Шинээр ирж буй иргэд доорхи линкэд байршуулсан формод бүртгүүлээрэй.
【2022 Монгол иргэдийн бүртгэл】
Фукуока дахь өргөмжит консулын мэндчилгээ
Япон Улсын Фукуока хотод амьдран суудаг миний бие Монгол Улсын Өргөмжит консул хэмээх энэ нэр төртэй бөгөөд чухал албыг хүлээн авч байна.
Анх удаа Монгол хүн Япон улсад өргөмжит консул болж байгаа бөгөөд инженер мэргэжилтэй миний бие хоёр орны гүүр болон ажиллаж хоёр орны эдийн засгийн өсөлт хөгжилд хувь нэмэр оруулахын төлөө чармайн ажиллах болно.
Эх орныхоо итгэл найдварыг алдалгүй, өөрийн бүхийл хүч чадлыг дайчлан Япон оронтой найрсаг харилцаатай байх үйлсэд бага ч гэсэн хувь нэмэр оруулахын төлөө ажиллах болно.
Япон Монгол хоёр улс чухал түншүүд ба Азийн бүс нутаг дахь энх тайваны байдалд чухал үүрэгтэй . Үүний илрэл нь 2016 онд байгуулагдсан Эдийн Засгийн Түншлэлийн гэрээ юм.
Өөрийн харьяалалын Кюшү, Окинава мужуудад хоёр улсын найрсаг харилцааг улам зузаатгахын төлөө хоёр орны холбогдолтой үйл ажиллагаа явуулж буй хувь хүн, байгууллагатай нягт холбоо тогтоож гадаад худалдаа, хөрөнгө оруулалт, аялал жуулчлал, соёл, боловсрол, спорт, технологийн салбарт харилцан итгэлцлэлийг зузаатгахын төлөө ажиллах болно.
Монгол Улсын Өргөмжит консул
Шийтэв овогтой Алтан-Эрдэнэ